ФОТО + ВИДЕО | „Крокс“ со потпетици: Важат за најгрдите влечки на светот, а сега се надминаа
Шарените, удобни влечки што ги кршат речиси сите правила во модата и предизвикуваат поделби и различни реакции кај клиентите и критичарите, сега отидоа чекор понапред.
Како и секоја година, новитетите на модните брендови ги воодушевуваат нивните верни фанови, но не секогаш им оди од рака.
Летово, познатиот бренд „Крокс“ покрај многу новитети, ја објави и својата нова линија на влечки. Овој пат не се вообичаените, класични папучи на кои сме навикнати, туку нудат нешто малку поинакво. Влечките со потпетици во новата колекција предизвикаа лавина коментари, позитивни и негативни.
Компанијата „Крокс“ беше шега за сите, а критичарите и коментаторите нивните познати влечки ги опишуваа со зборовите „најгрдите чевли некогаш измислени“ .
„Крокс“ дури беа избрани за еден од 50-те најлоши пронајдоци на „Тиме“ (TIME) во 2010 година. Сепак, тоа беше единствениот голем бренд за обувки во пандемијата што уживаше пораст на продажбата, главно благодарение на популарните „Крокс“.