„Кој е следен?“ утрово со нова герила акција пред второто рочиште за случајот со трагедијата во кочанската дискотека „Пулс”.

Пред влезот на Кривичниот суд во Скопје, на дрвјата беа поставени десетици „очи” како порака дека јавноста внимателно го следи процесот и дека сите очи се вперени кон институциите кои треба да обезбедат правично, независно и транспарентно судење.

Со акцијата се испраќа јасен сигнал дека семејствата на загинатите, преживеаните и целата јавност очекуваат одговорност и јасни судски постапки, без одолговлекувања и без политички влијанија.

Движењето „Кој е Следен?” најави дека ќе продолжи активно да го следи процесот и да реагира секогаш кога постои опасност правдата да биде
нарушена.

„Нашата порака е јасна: не смееме да дозволиме трагедијата во „Пулс” да се претвори во уште една неказнета болка. Поврзан со трагедијата во дискотеката „Пулс”, иницијативата Кој е Следен? изведе симболична герила пред Кривичниот суд. Пред влезот беа поставени десетици „очи” како порака дека јавноста внимателно го следи процесот и дека сите очи се вперени кон институциите кои треба да обезбедат правично, независно и транспарентно судење” порачаа од движењето.

Тие исто така изведоа герила-акција пред судницата во затворот „Идризово“, непосредно пред почетокот на судењето за трагедијата во дискотеката „Пулс“.