Со силно полициско обезбедување се очекува да продолжи судењето за трагедијата во Кочани во која загинаа 63 млади луѓе.

Блиски и роднини на загинатите и денеска се во Идризово каде го чекаат продолжението но во помал број од првото рочиште.

Со полициски комбиња беа донесени обвинетите кои се во притвор.

На обвинителна клупа се вкупно 38 обвинети и денеска треба да се изјаснат за вина и да дадат воведни зборови.

Паралелно со главниот процес, тече и посебна постапка против полициски службеници за давање лажни уверувања и дозволување на работа на дискотеката без исполнети минимално-технички и безбедносни услови.

Изминатата недела Обвинителството отвори постапка и против група вработени во УЈП осомничени за мито и злоупотреби поврзани со истиот случај.

Судијката Диана Груевска Илиевска, која го води процесот, пред почетокот на судењето предупреди дека ќе бара максимална дисциплина од сите страни и дека секое неоправдано одложување ќе биде санкционирано.