Нашиот евровизиски претставник, Васил Гарванлиев на свеченото отворање на 65. издание на Избор на песна за Евровизија се појави во елегантна, но и ексцентрична модна комбинација.

На церемонијата која вчеравечер го означи официјалното отворање на фестивалот, Васил на тиркизниот тепих, заедно со неговиот тим, се појави облечен во црн елек, долг до земја, црни панталони и блуза, а на главата носеше круна која беше направена од повеќе парчиња огледало.

 

View this post on Instagram

 

A post shared by V Λ S I L (@vasilg)

Васил на својот инстаграм – профил сподели и многу фотографии од церемонијата:

„Официјално започна. Колку убаво патување досега и конечно ќе имам прилика да запознаам некои од артистите“, стои во објавата на Гарванлиев.

Македонската делегација која го придружуваше Васил беше, исто така, внимателно стилизирана, а на нивната облека беа прикачени мали парчиња огледало, како на облеката, така и на заштитните маски, како препознатлив моден детаљ.

 

View this post on Instagram

 

A post shared by V Λ S I L (@vasilg)

Според официјалниот сајт на настанот, за својата комбинација Васил изјавил:

„Огледалото секогаш ја открива вистината, без разлика дали е добра или лоша“.