ФОТО | Уникатно откритие: Пронајдена е најстарата временска капсула на светот
Полски музеј тврди дека ја пронашол најстарата временска капсула на светот во црковната кула, која содржи монети стари 300 години, латински документи и деформиран оловен куршум.
Капсулата наводно датира од 1726 година, а била откриена за време на реновирањето во црквата Свети Станислав во малиот град Вшов, во западна Полска, објави „Дејли Меил“ (Dailymail).
Староста на капсулата допрва треба да се потврди, но ако навистина е од 1726 година, би ја направила постара од онаа откриена во Бостон, која моментално го држи рекордот за најстара во светот.
Во меѓувреме, градскиот музеј веќе ја претставува како „уникатно откритие“ и „најстарата временска капсула во светот“.
‘World’s oldest time capsule’ -dating back to 1726 – is found in #Polish church spire,containing 300- year-old coins, Latin documents and a lead bullet
Box discovered during renovation at Church of St Stanislaus in #Wschowa, #Poland pic.twitter.com/g0o6ISxdHk— Hans Solo (@thandojo) September 26, 2023
„Најстарата капсула има форма на кутија направена од бакарен лим, на чиј капак е втиснат датумот 1726 година“, наведуваат од музејот, истакнувајќи дека се состои од четири „пакети“ – од 1726, 1786, 1884 и 1914 година.
Во еден од пакетите, музејските конзерватори пронашле пергамент напишан на латински, а кога бил преведен, се покажало дека во него станува збор за разорниот пожар што го зафатил градот и ја претворил црквата во пепел.
„Дното е прободено од оловен куршум од мал калибар кој бил пронајден во кутијата. Во помалата кутија имало монети завиткани во весник во две посебни пакувања“, откриваат од Музејот, чии експерти сега детално ќе ја испитаат содржината на „капсулата“.
Во текот на 18 век, градот Вшов служел како втор, „неофицијален главен град на Полска“. Во 1793 година станал дел од Кралството Прусија, а по Втората светска војна се вратил во Полска.
Инаку, најстарата временска капсула во Европа досега е исто така откриена во Полска во 2020 година и датира од 1797 година.