Модниот менаџер Мики Црнокрак објави убави вести за неговата ќерка Моника, која многу личи на својата мајка Светлана.

Моника тргна по стапките на мајка си, една од нашите најуспешни модели, и ја освои титулата петта придружничка на Мис на Европа, објави гордиот татко. Изборот се одржа во Бејрут, Либан.

Ова не е единствена титула за убавина која досега ја има освоено Моника – таа сѐ поуспешно влегува во модниот свет. Светлана и Мики Црнокрак имаат уште една помала ќерка, Нина, која има 14 и пол години.

„Уживам во своето модно семејство, а родителите ми се најголемите советници и поддршка во животот. Кога станува збор за модата и мојот изглед, нормално, по женска линија се консултирам со мајка ми, а татко ми е тој што секогаш потврдно кимнува со главата“, рече Моника Црнокрак во едно интервју за „Слободен печат“, а нејзината модна приказна ја раскажа и мајка ѝ:

„Мојата кариера почна на 18 години, кога се пријавив на ‘Екрановиот’ избор за Мис на Македонија и бев избрана во мојот роден град Гостивар. Тогаш запознав многу луѓе од светот на модата и јавниот живот, а еден од нив е г-динот Марио Липша (кој, за жал, веќе не е меѓу нас), кој е доста заслужен за мојата кариера“, рече Светлана Црнокрак, која годинава со сопругот ќе прослави 29 години брак.

Интервју со Моника Црнокрак, манекенка: Со Виктор љубовта почна на одбојка, тој е мојата најголема поддршка