Сандалите со тенки златни ремчиња се исто толку добри за на плажа како и за деловен состанок, што ги прави одлична инвестиција.

Иванка Трамп, ќерката на поранешниот американски претседател Доналд Трамп, на социјалните мрежи се пофали со својот одличен пролетен стајлинг, составен од тренди парчиња.

Иванка е позната по тоа што ги фаворизира парчињата кои успешно ќе ги истакнат нејзините облини, а еден таков е занесниот топ со асиметрични врвови, збогатен со ласкав ремен околу половината.

Таа вешто го спои ова необично модно парче со едно од најпосакуваните здолништа во моментот – плисиран модел со шлиц, во хит-розова боја, со должина веднаш до коленото.

Таа целиот стајлинг го заокружи со беж чанта и сандали кои наскоро ќе ги гледаме на секој чекор. Имено, Иванка е очигледно добро упатена во трендовите, бидејќи токму моделите со тенки ремчиња беа вистински хит во колекциите на дизајнерите за сезоната пролет-лето 2024 година.

Нејзиниот модел се издвојува со само две коси, тенки прерамки со златен сјај, кои даваат женствен и сензуален изглед, особено во оваа нијанса, која останува исклучително популарна оваа пролет.

Предноста на овие сандали е нивната исклучителна разновидност и носливост од утро до вечер. Имено, тие изгледаат исто толку добро носени со здолништа или панталони, а нивната минималистичка елеганција ги прави погодни за носење од плажа до град до канцеларија и деловни состаноци.