Романската тениска sвезда Симона Халеп (29) се омажи за македонскиот богаташ Тони Јурук (42), кој е 13 години постар од неа.

Двојката во средата организирала раскошна венчавка во нејзиниот роден град Констанца, град кој е најголемо пристаниште на Црното море.

Двократната Гренд слем шампионка и поранешна најдобра тенисерка на планетата одлучи својата тригодишна врска да ја круниса со брак.

Симона одбрала беж фустан со тантела наместо класична бела венчаница, а подоцна се пресоблекла во долг бел фустан со голема црна панделка.

 

View this post on Instagram

 

A post shared by Simona Halep (@simonahalep)

Фотографиите од церемонијата ги сподели 29-годишната Симона на Инстаграм, каде што ја следат 1,6 милиони луѓе. На венчавката присуствувале семејството и пријателите.

Романските музички sвезди Ден Битман и Лоредана пееја за нив на венчавката.

 

View this post on Instagram

 

A post shared by Simona Halep (@simonahalep)

Нејзиниот тренер Дарен Кејхил исто така и посака среќа во бракот.

„Честитки и прегратки ви испраќам на двајцата. Вие сте неверојатен пар. Уживајте во прославата со семејството и пријателите“, напишал Дарен на Твитер.

The official signing today of marriage for Simo and Toni in Romania❤️ Congratulations and big hugs to you both. An amazing couple. Have a great celebration with family and friends tonight! 🍾💃🕺 pic.twitter.com/w3tFr1oxFJ

— Darren Cahill (@darren_cahill) September 15, 2021

– Ви благодарам на прекрасниот амбиент и прекрасната вечер – им се заблагодарила Симона на организаторите на венчавката на Инстаграм.

Јурук е познат бизнисмен и сопственик на неколку компании. Јурук е Влав по потекло од Македонија. Со Симона се венча по три години врска, а зад себе веќе има два брака.

Симона планирала датум за венчавката веднаш по УС Опен, каде се пласираше во четвртфиналето.