Татјана Лазаревска го покажа домот во Мелбурн, Австралија, каде што ја чекаше специјално изненадување откако со сорпугот Новица Василевски се врати од Америка.

Фолк-пејачите беа во САД на настап за Нова година и на мини турнеја, а за тоа време, во нивниот дом во Австралија ги чекаше Снежана, мајката на Татјана која е дојдена на гости од Скопје. Таа ја пречека ќерка си со изненадување кога се врати дома, со цвеќе.

„Човек е благословен кога ќе си дојде дома, а мајчичка со бакнеж и со цвеќе го пречекува. Да си ни жива и здрава Нане наша“, напиша фолк-пејачката на Фејсбук.

Сликите кои ги објави, го покажуваат домот на Татјана и Новица во Мелбурн, особено убавиот двор и затворената тераса со телевизор. На објавата на Татјана коментираше Маријана Новачевска, сестрата близначка на Росана Сариќ – Тодоровска која долги години живее во Мелбурн и е блиска пријателка со Татјана.

„Да не ти кажувам колку кафиња испивме со мама Снеже без тебе Тањче. Добродојдовте домче“, напишала Маријана.

„Со оглед на тоа дека на оваа страна од светот сега е лето, празничната атмосфера е малку различна, па на пример, Дедо Мраз е во костим за капење. Па така, тука сè е некако летно и опуштено. Мелбурн е преубава метропола и сјае во полн сјај за божиќните и новогодишните празници“, рече Татјана Лазаревска во новогодишно интервју за „Слободен печат“.

Таа и Новица имаат двајца возрасни синови, Петар и Стефан.

Интервју со Татјана Лазаревска, фолк пејачка: Во Австралија сега е лето, па Дедо Mраз е опуштен во костим за капење