Српската пејачка Тања Савиќ (39) пред неколку месеци стапи во брак со 11 години помладиот пилот Мухамед Муки Бешиќ, со кого беше во љубовна врска подолг временски период.

Сега музичката ѕвезда сподели нови фотографии на својот инстаграм-профил, со кои покажа како ги минува летните денови покрај својот сакан и децата. Да потсетиме, Савиќ претходно беше во брак со Душан Јованчевиќ, со кого ги доби двата сина Максим и Ѓорѓе.

„Љубов е кога и самиот поглед кон саканата личност ти измамува насмевка“, напиша Савиќ во описот на фотографиите.

Она што посебно го привлече вниманието е одличниот изглед на Савиќ, која ја одржува својата линија уште од самиот почеток на својата музичка кариера. Овој пат, Савиќ позира покрај базен и го покажа своето згодно тело во бикини.

„Убавице“, „Тања, прекрасна си“, „Ти си една голема дама“, „Шеќерна“, се дел од коментарите.