Една година по свршувачката, Стефан Филиповски, од музичкото дуо „Некст Тајм“, вчера се ожени со својата долгогодишна девојка Тинеа од Белград. Стефан и Тинеa го изговорија судбоносното „да“ на црковна церемонија во Соборниот храм „Св. Климент Охридски“ во Скопје.

По венчавката во Соборниот храм, која се одвиваше во интимен круг од семејството и најблиските пријатели, младоженците имаа свадбена прослава.

Тинеа носела елегантна венчаница со корсет украсена со делови од тантела, додека Стефан се одлучил за црн костум (смокинг) и вратоврска т. н. пеперутка, а си го задржал својот заштитен знак и ја врзал косата во опавче.

Среќниот момент го споделија и неговиот брат-близнак Мартин Филиповски, како и сопругата на Мартин – Андреа, кои на социјалните мрежи објавија фотографии од свадбената церемонија.

Тинеа и Стефан веќе неколку години се во врска, а сега ја крунисаа својата љубов со брак. Кај браќата од дуото „Некст тајм“, Мартин и Стефан, љубовта на далечина се покажа како најсилна.