Дејвид и Викторија Бекам се појавија за првпат јавно во Париз, откако нивниот син Бруклин даде шокантни изјави за семејните несогласувања. Двојката заедно со своите деца покажа дека цврсто стојат, и покрај тензиите во семејството. Тие беа фотографирани пред Министерството за култура во Париз, пренесуваат странските медиуми.

Дејвид носеше црно одело и вратоврска, додека Викторија блескаше во елегантен црн фустан со висок прорез и потпетици. Со нив беа и нивните деца: ќерката Харпер и синовите Круз и Ромео.

 

View this post on Instagram

 

A post shared by Victoria Beckham (@victoriabeckham)

Семејното обединување доаѓа во особено значајно време за Викторија, која доби престижна француска награда – титулата Витез од редот на уметноста и книжевноста.

Поранешната членка на групата „Спајс грлс“ со тоа се приклучува на истакната група светски познати културни имиња, меѓу кои се Зои Салдана, Селена Гомез, Денис Вилнев и Џуд Ло.

Ова признание го доделува француското Министерство за култура на лица кои дале исклучителен придонес во уметноста и културата.

Викторија и Дејвид Бекам се „смртно исплашени“ за синот Бруклин: „Тој ќе остане на просјачки стап“