ФОТО | Спектакуларна роденденска забава: Мик Џегер славеше со поранешната и сегашната жена
Легендарниот пејач Мик Џегер, својот 80-ти роденден го прослави со спектакуларна забава во познатата градина „Челзи физик гарден“ (Chelsea Physic Garden), во југозападен Лондон заедно со неговите најблиски пријатели и многу познати личности, пишува „Дејли мејл“.
Докажувајќи дека сите добро се сложуваат, на забавата на фронтменот на „Ролинг Стоунс“, му се придружија неговата поранешна сопруга Џери Хол (67), која беше со него 22 години и неговата сегашна љубов, младата Мелани Хемрик (36), со која неодамна се вери.
Мелани, која се забавува со Мик од 2014 година и со кого има синот Деверо (6), изгледаше провокативно во фустан од тантела. Поранешната сопруга Џери, исто така изгледаше неверојатно, а на забавата дојде заедно со ќерките Џорџија Меј (31) и Елизабет (39). На девојките им се придружи и Џејд (51), ќерката на Џегер од бракот со Бјанка Џегер (78).
На забавата меѓу останатите присутни беа рок ѕвездата Лени Кравиц, режисерот Баз Лурман и сценаристката Џемима Голдсмит. Исто така, меѓу списокот на гости кои се забавуваа со славеникот, беа Анџелика Хјустон, Ема Вејмут, Дафне Гинис, Либерти Рос, Џими Ајовин, Леа Вуд и Лејди Мери Чартерис.
Роденденската прослава продолжи во ноќен клуб, па Рони Вуд, колегата од бендот, се придружи на ѕвездата и неговото семејство. Наводно, Леонардо Дикаприо го изненадил славеникот, пеејќи му „Среќен роденден“ на славеникот, заедно со Лени Кравиц.
Во текот на прославата, Џегер обезбедил неограничени бесплатни пијалоци за гостите, сите танцувале и пееле до раните утрински часови. Според извори блиски до рокерот, на забавата имало голема чоколадна роденденска торта и егзотични танчерки кои дополнително ја „оживеале“ забавата.
Инаку, во пресрет на јубилејниот роденден, вереницата на Џегер, објави емотивна роденденска порака на Инстаграм. „Среќен роденден љубов моја“, напиша таа фотографија од парот како се гушка.
На својот Инстаграм профил, Џегер со фотографија, се заблагодари на сите за честитките и убавите роденденски желби.
Годините не му можат ништо: Најстарата британска рок ѕвезда, Мик Џегер слави 80-ти роденден