Од ЈП „Комунална хигиена-Скопје“ информираат дека нивните екипи започнале со машинско и рачно чистење на поголемите улици и тротоари во сите скопски општини, а оттаму велат дека се чистат и плоштадите во најстрогиот центар на градот, велат од претпријатието.

„ЈП Комунална  спроведува активности за рачно и машинско чистење на снегот и мразот на булеварите и поголемите улици во сите скопски општини, со цел да се овозможи безбедно движење на пешаците и одвивање на сообраќајот. Активности за расчистување на снегот и мразот беа реализирани и во централното градско подрачје, плоштадот и улицата Македонија, помалите плоштади Филип Втори, Мајка Тереза и Богородица, како и Старата чаршија“, велат од „Комунална хигиена“.

Оттаму додаваат дека се фрла сол на сите пешачки патеки и тротоари на мостовите „Гоце Делчев“, „Слобода“ и на сите останати пешачки мостови.

Скопје како лизгалиште, а Ѓорѓиевски тврди дека сѐ е под контрола

Исто така, скопските комуналци го расчистуваат реонот околу Градската болница, Владата и Собранието на Македонија.