Американскиот актер Шон Пен, кој е во Украина, отпатува на фронтовската линија во источниот регион Донецк и се сретна со војници, вклучувајќи го и поранешниот висок претседателски функционер, според сликите објавени од украинска бригада, пренесува Киев пост.

На својот профил на Телеграм, 157-та моторизирана бригада напиша дека Пен изразил „искрено сочувство“ и „благодарност“ до војниците со кои се сретнал.

Sean Penn visited a frontline brigade in Ukraine’s Donetsk region, accompanied by former head of Zelensky’s office, Andriy Yermak.

Ukrainian soldiers said the actor spoke with service members and thanked them for their courage, dedication, and commitment to defending the… pic.twitter.com/mHNBjDQACQ

— KyivPost (@KyivPost) March 18, 2026

Оваа воена единица објави фотографии на кои се гледа Шон Пен како стои пред влезот во градот Славјанск, кој се наоѓа на околу 20 километри од фронтот.

Друга фотографија го прикажува актерот како седи до Андриј Јермак, поранешен висок советник на украинското претседателство, кој поднесе оставка во ноември поради корупциски скандал.

Претходно денес, 157-та бригада објави видео од Пен, направено пред неговото пристигнување во Украина, како чита порака на барање на неговиот „пријател Андриј Јермак“.

Актерот им оддаде почит на војниците на бригадата кои се борат на фронтот и рече дека е „света должност“ на Вашингтон да ја поддржи Украина.

„Вие го претставувате најдоброто од нас и храброста за која можеме само да сонуваме“, рече тој, обраќајќи им се на војниците од бригадата, уверувајќи ги дека, според него, „поголемиот дел од луѓето“ во Соединетите Држави се на страната на Украина.

Да потсетиме дека познатиот актер не присуствуваше на церемонијата на доделување на Оскарите минатата недела, а доби статуетка од украинската железничка компанија.

ВИДЕО | Вака Зеленски се шегуваше на сметка на Путин пред две децении