Поранешниот словенечки претседател Борут Пахор на својот инстаграм-профил објави фотографија на која позира со добро познатата хрватска пејачка Северина.

Имено, тој ја сретнал пејачката на аеродромот во Франкфурт и го искористил моментот да се фотографира со неа. Под објавената фотографија Пахор открил дека не ја пропуштил можноста да ја покани на својот подкаст.

„Синоќа на аеродромот во Франкфурт ја сретнав Северина, весела и насмеана како и секогаш. Ја поканив да биде гостин на мојот подкаст и сакам да верувам дека ќе биде на снимање на почетокот на следната година. Тоа би било прекрасно. Мислам дека е доста заинтересирана. Ах, убаво“, напиша тој.

Фотографијата воодушевила многу следбеници на поранешниот претседател, па најголемиот дел од коментарите биле позитивни.

„Навистина сте супер, честитки“; „Многу убава фотографија“;„Запознавте исклучителна жена“, се дел од коментарите на неговите следбеници.