ФОТО | Сергеј и Кристина Ќетковиќ за двете посвоени ќерки:„Ние им бевме судени, тие се родени за нас и ние сме се родиле за нив“
Пејачот Сергеј Ќетковиќ и неговата сопруга Кристина се еден од похармоничните парови од шоу-бизнисот на Балканов. Тие отворено ги споделуваат своите семејни катчиња и зборуваат за ќерките, Лола и Мила кои ги посвоија.
Кристина Ќетковиќ, која порано беше помалку достапна за јавноста, сега отворено изјави за своите деца:
„Без разлика што ние не сме ги родиле, ние им бевме судени, тие се родени за нас, и ние сме се родиле да им бидеме родители. Бог имаше таков план и благодарна сум за тоа“ – вели таа.
Дека е најважна љубовта, а не генетиката сведочи и активната поддршка на Сергеј Четковиќ кој објави фотографија на која ја поддржува кампањата на Уницеф за посвојување деца.
View this post on Instagram
Сергеј и Кристина во 2010-тата година ја посвоиле малата Лола, а две години подоцна во нивниот дом пристигнала и 4-месечната Мила.
View this post on Instagram
Кристина вели дека моментот кога девојчињата пристигнале во нивниот дом бил најубавиот миг во нејзините животи. Како што раскажува, Лола била мошне мирно бебе, додека Мила уште од самиот почеток покажала дека е бунтовна.
Парот никогаш не криел од девојчињата дека се посвоени, а велат дека тие биле судени да бидат нивни ќерки. Дури и самите изјавија дека доколку некогаш девојчињата посакаат да ги запознаат своите биолошки родители, тие ќе им бидат поддршка во одлуката.
„Тие две одамна знаат дека се посвоени и тоа е најважно. Нема никакви забранети теми или лаги во нашиот однос. Никогаш и не сме помислиле да скриеме нешто од нив. Тие знаат сè и доколку некогаш посакаат да ги запознаат своите биолошки родители, ние ќе бидеме тука за да направиме сè што е во наша моќ за тоа да се случи.“
