Познатата актерка Салма Хајек се појави во друштво на својот сопруг на престижната „Women in Motion“ гала-вечера, носејќи го најголемиот моден тренд на сезоната. Филмскиот фестивал во Кан овие денови ја полни француската ривиера со луксуз, елеганција и најголемите имиња од светот на кинематографијата и модата, „Хола“.

Покрај филмските премиери, Кан е познат и по ексклузивните вечери, а една од најважните деновиве беше гала-вечерата „Women in Motion“, организирана од луксузниот конгломерат „Керинг“ (Kering) во чест на најуспешните жени во филмската индустрија.

Меѓу многубројните ѕвезди кои прошетаа на настанот, убедливо најголемо внимание привлече латино-убавицата Салма Хајек. Таа пристигна во придружба на својот сопруг Франсоа-Анри Пино, кој е прв човек на компанијата „Керинг“, но сите погледи беа вперени во нејзиниот спектакуларен стајлинг.

Стилот на Салма Хајек отсекогаш бил дефиниција за софистицирана сензуалност и елегантен максимализам. Овој пат, актерката реши да го однесе максимализмот на повисоко ниво, појавувајќи се во драматичен бел фустан целосно опкружен со пердуви, моден тренд кој во последно време масовно го освојува холивудскиот крем.

Преубавата креација која ја следи линијата на нејзиното тело и има асиметрично деколте е дело на модната куќа Гучи (Gucci), дизајнирана под креативно водство на Демна.

За да ја комплетира „магијата“, Хајек го надополни изгледот со скапоцен накит од брендот Boucheron, збогатен со дијаманти и смарагд.

На престижната вечера Салма уживаше во друштво на други актерски легенди како Џулијан Мур и Деми Мур, а помина и убави семејни моменти со сопругот и неговата ќерка, Матилда Пино.

Актерката сподели дел од атмосферата и на своите социјални мрежи, објавувајќи фотографии непосредно пред почетокот на настанот со опис: „Ноќта започнува овде. Моменти пред вечерата на Керинг – Women in Motion“.