Професорот по историја Том Лајсенс (46) решил да го помине денот со својата авантуристичка внука и да ѝ покаже како да користи детектор за метал.

Тој сакал и таа да доживее „лов на богатство“, па затоа тргнал на потенцијална локација, не знаејќи какво изненадување го чека, пишува Би-би-си.

Необичната приказна се случила минатиот октомври на поле во близина на Бери Сент Едмундс, Сафолк. Додека шетале, Том забележал каллива област во близина на поток, совршена за пребарување со детектор. По некое време, пронашол две парчиња сребро кои се користеле како еден вид валута во ерата на Викинзите.

– Продолжив да барам и видов златна монета, а малку подоцна уште шест. Потоа го повикав сопственикот на земјиштето и го информирав за сè – рекол Том.

Во следните денови, тој се вратил на истото поле и пронашол уште монети.

Сите откриени артефакти наскоро ќе бидат понудени на аукција во Лондон, со проценета добивка од 25.000 фунти (околу 28.500 евра).

Том планира да искористи дел од приходите за поддршка на идните археолошки ископувања во Сафолк.