ФОТО | Разменија страсни бакнежи на плажа: Трејлор Свифт и Тревис Келси уживаа на прекрасните Бахамски Острови
Американската музичка ѕвезда Тејлор Свифт (34) и нејзиното момче Тревис Келси (34), кој е познат играч на американски фудбал, избегаа од секојдневните обврски и отидоа на одмор на Бахамските Острови.
Пејачката и спортистот биле забележани како се сончаат на една од прекрасните плажи, а потоа и како разменуваат нежности додека пливале.
Свифт го покажа своето витко тело во жолт дводелен костим за капење, кој го искомбинира со црни очила за сонце. Келси, пак, носеше сини шорцеви за капење.
Еден ден пред нивното романтично време на плажа, парот беше виден како шета покрај морето.
Да потсетиме, Тејлор Свифт неодамна ја заврши меѓународната етапа од нејзината концертна турнеја „Ерас“, настапувајќи во Токио, Австралија и Сингапур на почетокот на 2024 година. Таа ќе продолжи со концерти во мај, почнувајќи од Париз.
Тревис Келси ѝ беше силна поддршка на Свифт на нејзината турнеја, но и таа е негова поддршка во кариерата. Таа ги следеше неговите натпревари, а неговиот клуб, Канзас Сити Чифс, го освои Суперболот по третпат.