Ви препорачуваме

ВОЈНА ВО УКРАИНА

„Бетмен“ - Фото: Pictorial Press, Pictorial Press Ltd / Alamy / Profimedia

ФОТО | Први фотографии од новото продолжение на „Бетмен“ — Мет Ривс го покажа зимскиот бетмобил

A.J.
Пред

Возилото на Темниот витез добива зимска надградба. Режисерот Мет Ривс го сподели она што изгледа како прв официјален поглед од продукцијата на „Бетмен: Дел 2“ (The Batman: Part 2), објавувајќи фотографија на социјалната мрежа Икс, со опис „Снежни гуми“. Станува збор за тизер-слика од бетмобилот за време на тест со камера, пренесува „Вараети“. Деталите за тоа што точно се случува на сликата остануваат нејасни, но е јасно дека долгоочекуваното продолжение конечно е во тек и дека приказната ќе се одвива во зимски амбиент.

Добиј ги најважните вести, бесплатно на Viber

Препорачано

Роберт Патинсон се враќа во улогата на Брус Вејн, заедно со Колин Фарел како Оз Коб (познат како Пингвин), Џефри Рајт како комесарот Џејмс Гордон и Енди Серкис како Алфред Пениворт. Барри Кеоган се очекува повторно да се појави како Џокер.

Во оригиналниот филм од 2022 година, помлад и психолошки ранлив Брус Вејн, кој бил само две години во улогата на маскиран борец против криминалот, се вклучува во мрачно детективско истражување на серија убиства. Серискиот убиец Ридлер (Пол Дано) почнува да ги таргетира елитите на Готам и му остава криптични пораки директно на Бетмен. Филмот постигна голем успех, заработувајќи 772 милиони долари ширум светот наспроти буџет од 185 до 200 милиони долари, со што стана седмиот најпрофитабилен филм во 2022 година.

Во новото продолжение се приклучуваат и неколку големи имиња. Оскаровката Скарлет Јохансон ја доби улогата на Гилда Дент, сопругата на окружниот обвинител Харви Дент. Себастијан Стен исто така се приклучува на екипата и ќе го игра Харви Дент. Ветеранoт од „Игра на тронови“, Чарлс Денс, исто така е дел од актерската екипа и се верува дека ќе го игра Чарлс Дент, таткото на Харви.

Ривс го напиша сценариото заедно со Метсон Томлин.

„Беше долг пат, но сум неверојатно возбуден. Многу сум горд на сценариото што јас и Метсон го напишавме“, изјави Ривс за „Варајети“ на доделувањето на наградите Еми во септември.

„Бетмен: Дел 2“ е закажан за прикажување во кината на 1 октомври 2027 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

КЛИКНИ ЗА ДОНАЦИЈА

#магазин #филм и тв #бетмен #препорачано #први фотографии #новото продолжение #Мет Ривс #зимскиот бетмобил
Видео на денот
  • Најново
  • Најчитано

Препорачано од оваа категорија

Прочитајте повеќе

Македонскиот филм „17“ ја освои наградата за најдобар меѓународен дебитантски филм на Фестивалот во Ерусалим
Лоши вести за обожавателите на Темниот витез — „Бетмен 2“ е повторно одложен, но објавено е првото видео со Роберт Патинсон
Почина грчката филмска дива Маро Конду — обожавател се обидел да ја посети во болница, носејќи цвеќе и нож
Биографскиот филм „Мајкл“ заработи повеќе од милијарда долари и влезе во историјата
ВИДЕО | Мрачен крај на сагата — пристигна трејлерот за третиот дел од „Дина“
Македонскиот документарец „Приказната за Силјан“ има две номинации за наградите „Еми“
ВИДЕО | „Што се случува?“: Том Холанд мислел дека Кристофер Нолан е разочаран од неговата глума во „Одисеја“
Објавени се номинациите за наградите „Еми“, доминира серијата „Пит“ со дури 25