Вечерва под мотото „Премногу е“, ВМРО- ДПМНЕ пред зградата на Владата на РСМ одржува голем протест за промени.

На булеварот „Илинден“ се собраа десетици илјади граѓани од целата држава, членови и симпатизери на најголемата опозициска партија како и на нивните коалициони партнери, во очекување на обраќањето на лидерот на ВМРО-ДПМНЕ Христијан Мицкоски.

Централната порака која ќе биде испратена од вечерашниот голем народен собир е барањето за организирање предвремени парламентарни избори, кои според нив се единствено решение за економската и политичка криза во која се наоаѓа држава, предводена од владата на СДСМ и ДУИ.

Протестот започна со отворено студио пред Владата на кое се обратија партиски претставници кои изнесоа ставови за актуелните политички случувања, економијата, здравството, образованието….

Опозициската партија подолг период инсистира на одржување избори, а во Собранието спроведува и активна блокада на активностите.

Протест на ВМРО-ДПМНЕ/Фото: Слободен печат/Дејан Србиновски