Американскиот актер Ед Вествик (36), кој на многумина им е познат како Чак Бас од популарната серија „Озборувачка“, ја запроси својата девојка на скијање во Швајцарија.

Неговата избраничка е актерката и модел Ејми Џексон, а веста за свршувачката среќната двојка ја сподели на Инстаграм.

За време на паузата од скијањето, актерот клекнал на едното колено и ја запросил својата сакана покрај снежната идила. Судејќи според описот на објавата на Инстаграм, очиледно дека Ејми рекла „Да“. За овој романтичен момент, тој го избрал висечкото шеталиште во Гштад.

Да потсетиме, парот се запозна во 2021 година, а Ејми еднаш раскажа каков бил нивниот прв состанок.

„Ме покани на двоен состанок со нашите кучиња. Тоа е вистински начин да ме освоиш. Кафе и кучиња“, изјави таа за списанието „Лајфстајл Азија“.

Инаку, Ејми го има синот Андреас (4), кој го доби со нејзиниот поранешен партнер, претприемачот Џорџ Панајоту.

Објавени номинациите за наградите „Греми“ за 2024 година: Една пејачка предводи со дури 9 номинации