ФОТО | Почна Детската Евровизија, гласајте за Тамара: Младата пејачка се огласи пред самиот почеток и порача…
Почна финалето на Детската Евровизија коешто во моментов се одржува во Ница, Франција. Младата и талентирана Тамара Грујеска ја преставува Македонија на 21. издание на овој престижен музички натпревар за деца и тинејџери.
Сите наши надежи и искрени желби оваа година на Детската Евровизија ги насочуваме кон Тамара, која е наша претставничка со песната „Кажи ми, кажи ми кој“.
Непосредно пред почнувањето на Детскиот Евросонг и пред својот настап, Тамара се огласи на својот профил на Инстаграм:
„Bonjour Europe!
Skopje calling
Оваа прилика сакам да ја искористам за да ви се заблагодарам за беспрекорната поддршка која ми ја дадовте изминативе пет месеци!
Воедно, сакам да се заблагодарам на Македонската радио-телевизија што ми ја даде оваа можност да ја претставувам Македонија на овогодинешниот Јуниорски Евросонг!
Задоволството и честа се мои да бидам македонски претставник и гордо да ги претставам боите на нашата Македонија!
Вам ви преостанува да го проследите преносот во живо со почеток во 16 часот на МРТ 1 и секако да гласате за Македонија на www.jesc.tv
Ве сакам!“
Без разлика каде и да сте во светот, можете да гласате на официјалната страница на Детската Евровизија.
Директниот пренос на Детскиот Евросонг можете во моментов да го гледате на МРТ1, а можете да го следите и онлајн на следниот линк.
Зад авторскиот тим на песната „Кажи ми, кажи ми кој“ стојат Роберт Билбилов и Дарко Димитров, кои се композитори на песната, а текстот е на Коста Петров и Билбилов. Гоце Димовски свири кавал, а Билбилов виолина. Режисер на спотот е Огнен Шапковски.
Инаку, пред неколку месеци Тамара гостуваше во „Утрински печат“ на „Слободна ТВ“ заедно со Дијана Гогова-Атанасова, шеф на евровизиската делегација за Детската Евровизија. Со Тамара зборувавме за нејзиниот талент, љубовта и посветеноста кон музиката, како и за претстојните подготовки.
Во таа пригода, младата пејачка изјави дека е пресреќна што ќе ја претставува Македонија на Детската Евровизија, а нејзините планови за престојот во Ница, е пред сè убаво да си помине и да не претстави во најдобро светло.
ВИДЕО | Тамара Грујеска: Пресреќна сум што ќе ја претставувам Македонија на Евровизија
ВИДЕО | Импресивен вокал: Погледнете ја првата проба на Тамара Грујеска на детската Евровизија