Британскиот актер Орландо Блум реагираше на сатирична објава во која индиректно беа „прозвани“ неговата поранешна свршеница Кети Пери и нејзиниот нов партнер Џастин Трудо, пишува „Пипл“.

Сатиричниот сајт „The Onion“ сподели објава на Инстаграм насловена како „Орландо Блум забележан на вечера со Ангела Меркел“. Објавата е всушност хумористична реакција на тоа што Пери и Трудо неодамна беа видени на вечера.

„Само неколку недели откако објави дека раскинал со својата свршеница Кети Пери, британскиот актер Орландо Блум беше фотографиран како вечера со поранешната германска канцеларка Ангела Меркел во петокот. Ангела го смееше Орландо цела ноќ, а тој не можеше да ги тргне очите од неа!“, напишаа тие повикувајќи се на измислен извор кој ги видел двајцата како пијат вино, грицкаат остриги и делат парче чоколадна торта во ресторанот со Мишелин ѕвездичка.

Блум објави неколку емотикони во кои се гледаат раце што плескаат во коментарот. За потсетување, тој и Пери раскинаа по речиси 10 години врска. Двајцата беа во лоши односи долго време, по што ја донесоа оваа одлука.

И покрај ова, тие неодамна беа забележани на одмор во Италија со Џеф Безос и Лорен Санчез. Таму беше и нивната ќерка Дејзи.

Иако се чинеше дека успеале да ја поправат врската заради нивната ќерка, Блум со овој потег докажа дека не му пречи што Пери се гледа со Трудо.