ФОТО | Ова се најсексапилните турски актери по кои лудуваат сите: Одберете кој ја заслужува титулата
Турските серии веќе со години се дел од нашето секојдневие. Публиката се соживува со приказните и „лудува“ по турските заводници. Во продолжение дознајте кои 15 мажи важат за најзгодни и најпосакувани турски актери:
Толгахан Сајишман
View this post on Instagram
Ѕвездата од серијата „Црниот бисер“ има 40 години и отсекогаш бил во топ форма, а со оглед на тоа дека во серијата „Шампион“ глумеше боксер и интензивно се подготвуваше за таа улога, навистина изгледа феноменално. Толгахан публиката го памети и од серијата „Забранета љубов“ во која ја играше главната улога, а интересно е и тоа што прва партнерка на овој турски актер и модел му била пејачката Емина Јаховиќ, која ја имаше својата прва улога тогаш во серијата „Поле на лалињата“.
Шукру Озилдиз
View this post on Instagram
Актерот и модел Шукру Озилдис важи за голем заводник во својата татковина. Тој има 34 години, висок е 190 сантиметри и секогаш кога објавува фотографии на својот инстаграм-профил, обожавателите го опсипуваат со комплименти за неговиот изглед. На домашната публика ѝ е познат по улогата на (двајца) браќа во серијата „Повторно родени“ и во серијата „Завет“. Освен талентот за глума, Озилдиз има и интересен моден стил, поради што често е рангиран меѓу најдобро облечените мажи во Турција.
Екин Мерт Дајмаз
View this post on Instagram
Откако првпат се појави на телевизија во 2014 година, актерот и модел добива улога по улога и има огромна армија обожаватели. Покрај тоа што постојано работи на нови проекти, Екин студира кинезиологија во Истанбул. Доколку не се занимава со актерство, би сакал да стане тренер и фитнес експерт.
Џан Јаман
View this post on Instagram
Џан Јаман кого многумина го нарекуваат и „турскиот Џејсон Момоа“, е роден во Истанбул во 1989 година, а неговите корени се од Македонија и Косово. Важи за еден од најомилените турски актери во својата татковина, но и во светот. Згодниот Јаман моментално живее во Италија каде посветено гради кариера. Работи на повеќе проекти од кои еден е улога во римејкот на Сандокан во кој ќе ја толкува главната улога. Јаман по професија е правник и неколку години работел по струка. Медиумите пишуваа за неговиот љубовен живот кога го освои срцето на најпознатата спортска новинарка во светот Дилета Леота, но таа врска не траеше долго.
Бурак Челик
View this post on Instagram
Публиката од нашето поднебје го памети Бурак од „Црната роза“, а тој моментално игра голем воин во историската серија „Осман“. Кога се појави во „Црната роза“ имаше само 22 години, синоокиот Бурак веднаш стана секс симбол. Се занимава со разни спортови и секогаш е во одлична форма.
Алп Навруз
View this post on Instagram
Тој е еден од најплатените турски актери и манекенки, а кај нас се прослави со улогата во серијата „Ќерките на Фазилет“. Дипломирал турска литература и јазик, а од првото свое појавување на телевизија во 2016 година снимил седум серии и еден филм. Денес тој избира што сака да прави.
Берк Атан
View this post on Instagram
Берк Атан е прилично висок актер па не е чудно што овој триесетгодишник покрај глумата добива и бројни ангажмани како модел за престижни брендови. Со спорт се занимава уште како дете, како и целото негово семејство, а кариерата во фудбалот ја остави за глума и манекенство.
Чаглар Ертугрул
View this post on Instagram
Синоокиот Чаглар ги освои срцата на публиката со својата улога во серијата „Ќерките на Фазилет“. Симпатичниот и талентиран актер се одржува во топ форма со пливање и играње кошарка. Покрај актерството, тој е и машински инженер, а воодушеви и во серијата за турската тајна служба „Тескилат“ во која моментално глуми.
Дениз Кан Акташ
View this post on Instagram
Овој 28-годишник зад себе има десетина успешни проекти, а најпознат е по улогата во серијата „Повикај го мојот агент“. Пред да зачекори во актерскиот свет, Акташ ги завршил студиите за бродоградба и машинско инженерство во Истанбул. Глуми и во театар, а последна улога му беше Ромео во „Ромео и Јулија“.
Енгин Акјурек
View this post on Instagram
Турскиот актер кој им е омилен на многумина кај нас, а е обожаван и во својата татковина глумеше во некои од најгледаните турски проекти како „Ќерката на амбасадорот“ и „Изгубена чест“. Тој има многу строг режим на вежбање и тоа се гледа и во неговата извајана фигура. Дипломирал историја, пишува книги и се повеќе се интересира за идејата да режира и пишува сценарија за серии.
Фуркан Андич
View this post on Instagram
Нашите гледачи го паметат овој млад актер од почетокот на кариерата кога играше една од главните улоги во серијата „Ангели“. Андич често работи како модел. Се занимава со разни спортови, редовно вежба во теретана, но се занимава и со јога.
Ибрахим Челиккол
View this post on Instagram
Љубител на сите спортови, од веслање до скијање, 40-годишниот актер е секогаш во топ форма. Тој е познат по улогите во сериите „Ифет“ и „Милост“. Челиккол редовно на социјалните мрежи ги покажува своите мускули, но и интензивната и напорна работа. Само на „Инстаграм“ го следат 2,3 милиони луѓе.
Керем Бурсин
View this post on Instagram
Моментално најголемата турска ѕвезда надвор од својата татковина. Мускулестиот, русокос актер е ѕвездата на летниот хит „Мирисот на љубовта“. Тој се занимава со разни спортови, вежба секој ден, има разработена програма за вежбање и посебен режим на исхрана.
Серкан Чајоглу
View this post on Instagram
Овој актер со неодолива насмевка и мускулесто тело им е познат на гледачите од бројни турски серии. Роден е во Германија, каде дипломирал економија. Сепак, тој со години работи и како модел, се појави во неколку спотови, а потоа реши целосно да се посвети на актерството.
Јигит Кирачи
View this post on Instagram
Овој шармантен актер, вљубеник во водените спортови и релаксирање со музика, гледачите го запознаа пред неколку години со улогата на Мерт во серијата „Војна на розите“. Сега повторно се враќа на малите екрани во големиот хит „Измама“. Студиите за маркетинг ги завршил, но кога сфатил дека тоа не е за него, се запишал на курс по глума и првата улога ја добил на 30 години.
Извор: стил.рс