Северина ја објави соработката со сликарот Димитрије Поповиќ на Инстаграм, но она што го привлече вниманието на Балканот е што во своите коментари се справуваше со навредливите коментари од католиците, кои не престанаа да се „згрозуваат“ од фотографиите од 2010 година на кои Северина позира со отсечена глава на Јован Крстител, како библискиот лик Саломе.

„На овој ден, се роди еден од моите омилени сликари. Еден од нашите најценети сликари, чии слики имаат посебно место во Ватикан и единствениот човек од оваа област, што имал изложба со (Салвадор) Дали. Имав среќа да соработувам со него во 2010 година на неговиот опус Саломе, и наскоро тоа дело ќе има изложба на Библиската жена, во која повторно соработуваме. Овојпат како Марија Магдалена. Почитуван Димитрије, ви посакувам се најдобро по повод вашиот роденден … Се гледаме на изложбата “, напиша Северина.

Многумина од следбениците кои не ја поддржуваат соработката на Северина со Поповиќ, како армија се појавија на објавата со наврледиви коментари.

„Страшно“, прокоментира една следбеничка, на што Северина наскоро одговори:

“Ви благодарам! Ви посакувам се најдобро”, напиша балканската ѕвезда.

„Но, ова навистина изгледа ужасно и безвредно! Дали навистина некому му служи ова … Ова може да биде за тесен круг на луѓе на кои може да им се чини возбудливо и напнато, од кој знае кои причини?! Со што може да се пофали еден човек овде?!“ напиша друга следбеничка.

„Ништо Сузана. Еве, се фалиш за нешто убаво. Можеби ова е безвредно и никому не му служи, освен што луѓето се „отвораат толку широко со прекрасни христијански комплименти“. Говор на омраза, и тоа е во ред одамна”, и одговори Северина.

Некои одеа толку далеку што ја нарекоа нејзината соработка со Поповиќ „сатанизам“, ја опишаа како „морбидна“ и беа згрозени што станува збор за нешто опишано како „вознемирувачко и гротескно“.

„Да ве отследиме е малку, ова треба да може да се избрише со гума дека постои на земјата. Злото не треба да се следи, ниту да се гледа”, напишаа вознемирени верници за фотографиите кои најавуваат нова соработката на Северина со ценетиот сликар.

Северина одвои време и им одговори на речиси сите критички настроени коментари.

„Ова е еден од најдобрите сликари на денешницата. Јас ја следам неговата работа, но овие дела се премногу морбидни дела за мене, не ви прилегаат. Вие сте божица на убавината, фотографијата, сензуалноста, светлината, нежноста… Мажи како Аполо стојат пред тебе и до тебе “, напиша друга следбеничка.

Во продолжение, погледнете како изгледаа коментарите и репликите под ојбавата на Северина:

Соработка од 2010 година

Во 2010 година, Северина ја отелотвори Салома во соработка со Димитрије Поповиќ. Перформансот во кој Северина танцуваше со отсечена глава на Јован Крстител на послужавник, можеше да се види во музејот Мимара.

„Кога ќе бидат земени предвид сите елементи, изгледот, движењата, изразот на она што го носи мотивот на Саломе со себе и привлечната енергија полна со сензуалност што ја карактеризира библиската принцеза, тогаш Северина е навистина без конкуренција“, рече Димитрије своевремно во едно интервју. Тој рече дека Северина најпрво сакала да биде Марија Магдалена, но тој предложил лик кој е „подобар за неа“ и наскоро дошло соработка.

„Салома беше несреќна во љубовта, беше понижувана како жена, а нејзината несреќа е сè поголема затоа што нејзината мајка ја поддржуваше во тој план. Многу е важно кои се луѓето што ќе бидат околу вас, кога ќе попушти „изолацијата“ на вашите нерви. Туѓата несреќа не може да усреќи никој, но Саломе беше доведена до ужасен чин од очај. Во таква состојба, жените прават очајни потези за кои не се свесни затоа што се болни од љубов и јас го разбирам тоа “, рече тогаш Северина.

„Најмногу сакам да работам со врвни професионалци, а Северина е токму таква. Реализиравме сè за што се договоривме, без никакви проблеми. Јас понекогаш знам премногу да барам во мојата работа, па затоа ја замолив Северина да остане подолго во една напорна позиција од што реално можеше да издржи. „Непосредно пред таа поза, таа ми рече дека не се чувствува добро, на што сопругата Јагода ми предложи да престанеме да фотографираме“, рече Поповиќ и додаде дека продолжиле со истата поза, на негово инсистирање.