Поранешната премиерка на Финска, Сана Марин предизвика бројни реакции во финските медиуми поради една од последните фотографии што ги објави на Инстаграм.

Политичарката, која од неодамна работи како консултант во Институтот „Тони Блер“, објави серија фотографии со натпис: „Случајни фотографии од неодамнешните патувања“.

На една од нив, таа позира во бикини.

„Сана објави фотографии од патување – во бикини на плажа“, „Поранешната премиерка објави храбра фотографија“, „Марин објави фотографија во бикини – леле каква убавица од плажа“, се само некои од насловите кои се појавија во медиумите поради оваа фотографија.

Потсетуваме, Сана Марин на почетокот на септември поднесе оставка од функцијата претседател на Социјалдемократската партија, со надеж дека ќе го оттргне вниманието од нејзиниот приватен живот, по четирите турбулентни години на чело на партијата.

Во 2014 година, 34-годишната Марин стана најмладата премиерка на светот, привлекувајќи го глобалното внимание и помагајќи да се зајакне имиџот на Финска.

Таа се појави на насловните страници на списанијата „Вог“ и „Тајм“, има милион следбеници на Инстаграм, а фановите ширум светот ја сметаат за прогесивен лидер.

Сана Марин се повлече и од местото претседател на партијата