На приемот за учесниците на самитот на Берлинскиот процес во Лондон, нашите познати и почитувани творци, режисерот Милчо Манчевски и музичарот Влатко Стефановски се сретнаа и поздравија со кралот Чарлс Трети.

Тие беа дел од културната делегација на Македонија што присуствуваше на приемот во палатата „Сент Џејмс“. Меѓу останатите почитувани уметници од регионот, Стефановски имаше можност да се поздрави со британскиот монарх и да му го подари својот најнов албум „London Sessions“, кој е снимен во легендарното „Abbey Road Studio 3“ во Лондон.

На албумот се појавуваат синот на Стефановски, Јан Стефановски, на тапани и Тихомир Хојсак на електричен контрабас, а во процесот на снимањето учествуваа и Ед Фарел, Лиа Морис и Шон Меги.

На приемот беше присутен и Манчевски кој при средбата, ја искористи можноста да му препорача на кралот Чарлс да го гледа неговиот култен филм „Пред дождот“.

На свечениот прием, покрај политичките лидери од регионот, беше поканет и Раде Шербеџија, како и други истакнати личности од културата.