Актерките и познатите личности често добиваат комплименти дека „не стареат“ или дека „годините за нив не постојат“. Но, во случајот на Мишел Фајфер, тоа не звучи како обична фраза – актерката навистина изгледа речиси исто како и пред децении.

Денес, на 68 години, таа изгледа одлично и природно, без очигледни знаци на претерани естетски интервенции. Доколку нешто и направила, тоа е толку суптилно што речиси не се забележува.

Фајфер во вторникот се појави на модната ревија на модната куќа „Сен Лоран“ за сезоната есен/зима 2026–2027, која се одржа во рамки на Париската модна недела.

За оваа пригода таа избра елегантен, но опуштен црн костум со совршен крој, под чие сако се гледаше чипкаста кошула. Изгледот го надополни со маслинесто зелени високи потпетици, впечатливи нараквици, обетки и нејзината препознатлива распуштена фризура.

ФОТО| Мишел Фајфер минала низ тежок пат до славата: „Добивав отказ неколку пати“