Јапонскиот милијардер Јусаку Маезава откри дека К-поп ѕвездата ТОП и диџејот Стив Аоки ќе биде меѓу осумте патници што планира да ги однесе на пат околу Месечината следната година со една од ракетите „Спејс икс“ на Илон Маск.

Маезава ги купил сите места на првото патување на Месечината, на кое се работи од 2018 година и кое ќе следи по неговото патување со леталото „Сојуз“ до Меѓународната вселенска станица (ИСС) на 12-дневен престој минатата година.

 

View this post on Instagram

 

A post shared by TOP (@choi_seung_hyun_tttop)

Изборот го објави Маезава на Твитер и на веб-страницата #dearMoon Project.

Модниот тајкун и неговата придружба ќе бидат првите патници на летот на „Спејс икс“ покрај Месечината, додека комерцијалните компании, вклучително и онаа на Џеф Безос, влегуваат во нова ера на вселенски патувања за богати клиенти.

Мисијата на вселенското летало „Ѕвезден брод“ на „Спејс икс“ треба да трае осум дена од лансирањето до враќањето на Земјата, вклучително и тридневното кружење околу Месечината, со доаѓање на 200 километри од површината на Месечината.

Иако летот беше планиран за 2023 година, тој се соочува со одложувања поради тестирање на леталото и неговите ракети.

Како колегата милијардер Маск, Маезава има склоност кон промоција и е вљубен во Твитер. Тој се пофали дека го држи Гинисовиот рекорд за најмногу ретвитувана објава, кога понуди парична награда од 1 милион јени (7.300 долари) на 100 луѓе кои ќе го ретвитнат.

Маезава користел станица за микроблогирање за да регрутира осум патници од целиот свет за да му се придружат на патување до Месечината, велејќи дека милион луѓе се пријавиле.

ТОП, уметничкото име на Чои Сеунг Хјун, кој се проби со К-поп групата „Биг Бенг“, е меѓу избраните патници, заедно со Аоки, јапонско-американски музичар и диџеј чиј татко го основал синџирот ресторани Бенихана.

 

View this post on Instagram

 

A post shared by Steve Aoki (@steveaoki)

„Чувствувам голема гордост и одговорност што станав првиот корејски цивил што ќе оди на Месечината“, рекол ТОП во видеото објавено по објавата.

 

View this post on Instagram

 

A post shared by TOP (@choi_seung_hyun_tttop)

Индискиот актер Дев Џоши е исто така меѓу избраните за групата која главно се состои од уметници и фотографи.

 

View this post on Instagram

 

A post shared by Dev Joshi (@devjoshi28)

Американската олимпијка Кејтлин Фарингтон и јапонската танчарка Мију се резервни патнички.

 

View this post on Instagram

 

A post shared by Kaitlyn Farrington (@kaitlynfarr)

Маезава (47) во понеделникот ја објави веста за лунарната експедиција, твитнувајќи дека одржал онлајн состанок со Маск и дека подготвува „голема објава за вселената“.

Маезава се збогати со основањето на интернетската модна продавница Zozo Inc 3092.T.

 

View this post on Instagram

 

A post shared by Miyu (@miyudance_)