ФОТО: Метју Пери ја покажа свршеницата Моли Хурвиц во улога на модел за неговата линија на облека
Актерот Метју Пери во саботата на својот профил на Инстаграм прв пат сподели фотографија од својата свршеница Моли Хурвиц.
Тој се пофали дека Моли му помага во улога на модел за неговата линија на облека со тема од хит-серијата „Friends“, со цел да помогне на организациите за олеснување на кризата предизвикана од коронавирусот.
Пери (51) сподели симпатична фотографија од Хурвиц (29), додека позира со маица со слоган инспириран од „Friends“. Оваа колекција има за цел го овековечи сарказмот на ликот на Пери, Чендлер Бинг.
„Не мора да позирате вака додека ја носите маицата, но ве молам, доколку сакате слободно направите го тоа“, шеговито напиша Пери.
Пери објави дека тој и Хурвиц се свршиле кон крајот на минатиот месец, откако започнале да се забавуваат во 2018 година.
„Одлучив да се верам… За среќа, случајно излегувам со најдобрата жена на планетата“, тогаш изјави актерот за списанието „People“.
Пери објави и втора фотографија од Хурвиц, овој пат таа позираше со црна капа со истиот бел фонт на „Friends“ на која пишува: „Што е ова, бејзбол капа?“, додека на шега држеше банана во раката како телефон.
„Капи?!? Бананата не е вклучена во ова“, напиша Пери.
Без разлика на разликата во годините, повеќе од очигледно е дека Метју и Моли се пресреќни заедно и се поддржуваат во сѐ што прават.