Актерката Марго Роби и нејзиниот сопруг Том Акерли неодамна го дочекаа своето прво дете, а веста ја криеја од јавноста цели две недели. Сега гордите родители беа видени како се шетаат во Лос Анџелес со нивниот син, кој го туркаа во количка.

Папараците ја забележаа Марго на прошетка со пријателка, на која потоа им се придружи нејзиниот сопруг, продуцент со кој е во брак од 2016 година. Актерката се прошета во лежерна комбинација. Марго облекла црни широки панталони, маица и бела широка кошула, а комбинацијата ја надополнила со црни патики и едноставен накит.

Инаку, за нејзината бременост се дозна на почетокот на јули, а на Вимблдон за првпат го покажа својот труднички стомак.

Да потсетиме, Марго го запозна Том на сетот на филмот „Француски апартман“ во 2014 година. Тие се венчаа две години подоцна во Австралија, а церемонијата се одржа во тајност, со оглед на тоа што сакаат да ја чуваат својата врска приватна.

Марго Роби стана мајка: Актерката го роди своето прво дете