Познатиот  колумбиски пејач Малума се реализираше во најубавата улога во својот живот. Латино заводникот стана татко, неговата девојка Сузана Гомез го роди нивното прво дете. Тие добија девојче на кое ѝ го дадоа името Парис.

Оваа прекрасна вест пејачот ја сподели со светот преку  објава на Инстаграм со првите семејни моменти.

„На деветти март во 8 часот и 23 минути наутро се роди љубовта на нашите животи Парис Лондоњо Гомез. Ви благодарам на сите за честитките и добрите желби“, напиша Малума, а потоа се обрати кон својата поубава половина која му подари ќерка.

„Љубов, ти благодарам што ми го исполни најголемиот сон да бидам татко, никогаш нема да го заборавам тој момент“, додаде пејачот.

Во објавата на Инстаграм може да ги видиме нивните први семејни моменти, како и првите фотографии од малата Парис. Инаку, Малума во спотот за песната „Procura“, откри дека чека дете со Сузана. После тоа постојано споделуваше фотографии со бремената Сузана.

ВИДЕО | Бизарен „подарок“ за Малума: Обожавател му фрли патерица за време на настап