ВИДЕО | Бизарен „подарок“ за Малума: Обожавател му фрли патерица за време на настап
Обожавателите често им фрлаат подароци на нивните омилени изведувачи додека настапуваат, како градници, гаќички, рози, мечиња, а сега очигледно и патерици. Тоа е случај со латино-ѕвездата Малума, кој моментално е на неговата светска турнеја „Дон Хуан“, пишува „Билборд“.
Во видеото кое стана вирално, се забалежува како обожавател од публиката фрла патерица кон колумбискиот пејач, додека тој ја изведува својата песна „Mojando Asientos“. Она што е изненадувачко е неговиот многу брз рефлекс, да ја фати патерицата со едната рака.
Уште поинтересен е неговиот однос кон „подарокот“ кој прелета на сцената. Наместо да ја прекине песната и да го повика обожавателот, Малума само се насмеа и ја искористи патерицата како реквизит за својот настап.
Малума ја започна турнејата во Америка на 31 август во Сакраменто, Калифорнија, и досега, меѓу другото, имаше настапи во Сиетл, Лос Анџелес и Феникс.
Таа ќе се одржи во 30 градови, а треба да заврши на 4 ноември во Мајами. Се очекува Малума да ги посети обожавателите и во Лас Вегас, Хјустон, Чикаго, Бостон, Атланта, Орландо и многу повеќе.
Светската турнеја „Дон Жуан“ ја следи неговата успешна светска турнеја „Папи Хуанчо“, која се одржа низ САД, Европа, Азија, Латинска Америка и Блискиот Исток од 2021 до 2022 година.
Во продолжение погледнете го видео со Малума како ја фаќа патерицата:
— v (@ViralMaterialz) September 11, 2023