Српскиот актер Лазар Ристовски (72) и неговата 39 години помлада партнерка, Аница Лазиќ, деновиве престојуваа во Македонија. Посетата започна во Скопје, каде што Ристовски имаше средба со медиумите, а продолжи во Дојран на филмскиот фестивал „Преку езерото“.

Актерот беше прогласен за лауреат на фестивалот и ја доби наградата „Мето Јовановски“. Во рамките на програмата, во Музејот на Град Дојран одржа мастерклас на тема „Актерството во уметноста на филмот и местото на актерот во филмската индустрија денес“.

Додека Ристовски беше дел од фестивалските активности, Аница го истражуваше градот и околината. На социјалните мрежи објави фотографии од локални цркви, како и од хотел и ресторан во Дојран, придружени со пораката: „Македонијо, те сакам“.

По престојот во Македонија, двојката замина во Грција, каде што престојуваат во туристички ресорт. Од таму споделија фотографии од одморот – прошетки низ Солун, моменти на базен и посета на локални ресторани.

Ристовски и Лазиќ се во врска неколку години, а јавноста често покажува интерес за нивната приватност, особено поради големата разлика во години.