Култната слика на Мерилин Монро, направена од Енди Ворхол би можела да стане најскапото уметничко дело 20 век продадено на аукција, пишува „Тhe New York Times“.

Сликата позната како „Shot Sage Blue Marilyn“ се очекува да се продаде за околу 200 милиони долари, според аукциската куќа „Christie’s“ (Кристи). Познатата слика сега ѝ припаѓа на Фондацијата на Томас и Дорис Аман од Цирих. Средствата ќе бидат наменети за децата ширум светот и подобрување на животот преку здравствени и образовни програми.

„Сите приходи ќе одат во добротворни цели“, соопшти аукциската куќа.

Делото кое е крупен кадар на Монро со нејзината коса во жолта боја, сина сенка на очи и светло црвени усни беше создадена во 1964 година.

Ворхол бил инспириран да ги наслика портретите на Монро по нејзината смрт во 1962 година, а визуелна инспирација ја добил од промотивната фотографија за филмот „Niagara“ на Хенри Хатавеј од 1953 година.

Ако делото навистина се продаде за проценетата цена, тоа ќе го сруши сегашниот рекорд на Ворхол на аукција – поставен во 2013 година од „Silver Car Crash“, кој достигна цена од 105,4 милиони долари.

 

View this post on Instagram

 

A post shared by Nicholas Foulkes (@n_foulkes)

Најскапата слика од 20 век продадена на аукција е „Les femmes d’Alger“ (version „О“) од Пикасо, која достигна цена од 179 милиони долари во мај 2015 година во „Christie’s“ Њујорк.

Сликата треба да се најде на аукција во мај.

ФОТО | Мерилин Монро и Џо Димаџио: Љубов каква што му прилега на Холивуд