ФОТО | Куќата на Тина Тарнер вредна 58 милиони фунти ќе стане музеј
Музејот кој ќе биде именуван по Тина Тарнер ќе се отвори во вилата на пејачката во близина на Циришкото езеро, пренесува „Дејли мејл“.
Имено, по смртта на пејачката минатата недела, сега се тврди дека нејзиниот вдовец Ервин Бах планира да ја искористи вилата за да ги изложи предметите кои се поврзани со кариерата на покојната ѕвезда.
Tina Turner’s £58m Swiss weekend retreat ‘to be turned into museum’ https://t.co/9UVo5a7GpX pic.twitter.com/MNzDYfSV4H
— Daily Mail U.K. (@DailyMailUK) May 28, 2023
Инаку, вилата кој вреди 58 милиони фунти, била купена во 2021 година од Тина Тарнер и нејзиниот сопруг Ервин. На неверојатниот имот има базен, езерце и пристаниште, а во истата област живее и тенисерот Роџер Федерер.
Иницијативата за отворање на овој музеј започнала откако било објавено дека во нејзиниот роден град Браунсвил, Тенеси ќе биде поставен споменик посветен на Тина Тарнер. Статуата на Тарнер најверојатно ќе се наоѓа во паркот во Браунсвил, кој се наоѓа блиску од училиштето во кое таа учела.
Да потсетиме, музичката икона Тина Тарнер почина на 83-годишна возраст, на 24 мај, во својот дом во Цирих, Швајцарија. Таа починала од природна смрт.