ФОТО | „Колку пораснала, копија на Ноле!“: Ѓоковиќ со ќерката Тара во скут ги гледа Олимписките игри
Српскиот тениски ас Новак Ѓоковиќ не мирува! Сепак, во паузите од своите исцрпувачки натпревари одлучил да ги бодри спортистите што се натпреваруваат на Зимските олимписки игри Милано-Кортина. Со секое свое појавување, тој ги воодушевува и обожавателите и натпреварувачите и медиумите, а особено кога со себе ги носи и своите деца, кои во текот на минатата година немавме можност премногу да ги видиме. Затоа, ќерката Тара ги засени сите кога фоторепортерите ја забележаа во скутот на нејзиниот татко и ја фотографираа.
Препорачано
Иако во претходните години бевме навикнати да ги гледаме Јелена, Стефан и Тара на натпреварите на Новак Ѓоковиќ речиси без исклучок, по Вимблдон минатата година тоа се промени, а на неколку Грен слем турнири по ред, отсуството на семејството во ложата беше забележливо. Со оглед на тоа што српскиот тенисер со сопругата и децата веќе некое време живее во Атина, каде што наследниците учат во елитно приватно училиште, се претпоставува дека училишните обврски ги спречуваат да патуваат со татко им од континент до континент и од турнир до турнир.
Не е познато дали сега се на распуст или не, Ноле и Јелена со децата уживаат во Зимските олимписки игри во Италија. Тука посебно се издвоила Тара Ѓоковиќ, која била фотографирана со својот татко како гледа уметничко лизгање, а глетката ги воодушевила сите што имале можност да ја видат фотографијата.
Novak’s daughter Tara is growing up so Quickly .Gosh where did the time Fly? 😭 Beautiful pic Ditto copy of Dad !#MilanoCortinaOlympic2026 pic.twitter.com/C00WDDBJVt
— Raul (@Raulgunner2) February 9, 2026
„Неверојатно колку пораснала. Колку лета времето“, „Таа е иста Новак! Погледнете ја таа сличност“, „Буквално негова копија“, „Прекрасна фотографија од татко и ќерка“, се некои од коментарите објавени под виралната фотографија на социјалната мрежа Икс.
Инаку, Новак е еден од ретките јавни личности со такво реноме и големина на името кој своите деца не ги крие од публиката, јавноста и медиумите, туку, секогаш кога има можност, ги носи со себе – како на натпревари, така и на настани каде што има бројни фотографи.
И Стефан, кој има 11 години, како и Тара (8), така учат да живеат под рефлекторите на камерите и во центарот на интересот на јавноста.
Ѓоковиќ по пласманот во финалето на АО: Се надевам ми остана енергија за мечот со Алкараз
ФОТО | Пораката на Јелена Ѓоковиќ за Новак ги трогна сите: „Овој човек ми донесе љубов, страст…“
