ФОТО: Коавторката на „АстраЗенека“, Сара Гилберт е инспирација за „Барби“ кукла
Изминатава година Сара Гилберт која е коавторка на вакцината „АстраЗенека“ беше препозната за своето дело. Таа стана дама, доби емоционална овација на Вимблдон и сега е направена барбика со нејзниот лик.
View this post on Instagram
Гилберт, која го предводеше развојот на вакцината на Оксфордскиот универзитет, рекла дека првично гестот ѝ бил „многу чуден“, но се надева дека ќе куклата ќе ги инспирира младите девојки да се насочат во науката, технологијата, инженерството и математиката.
„Со голема страст сакам да ја инспирирам следната генерација девојки да се насочат кон кариери во природните науки и се надевам дека децата што ќе ја видат мојата „Барби“ ќе сфатат колку се важни за доброто на светот кариерите во науката. Мојата желба е куклата да им покаже можности за кариера на децата за кои можеби не се свесни, како експерт за вакцини“.
Компанијата за играчки има создадено кукли во чест на пет други жени кои работат во наука низ целиот свет. Таа е често критикувана за нереалните стандарди за убавина, но постепено, со новите политички струи во светот, „Mattel“ се прилагодува на своите конзумери.
View this post on Instagram
Избор: „The Guardian“