Никола Јокиќ се врати на паркетот по повредата што извесен период го држеше надвор од терените и веднаш покажа зошто важи за еден од најдобрите во НБА-лигата. Камбекот дојде токму на натпреварот посветен на „Српското културно наследство“, кога во салата на Денвер Нагетс во Колорадо се одржуваше и традиционалната свечена програма.

Како и секоја сезона, одредени НБА-клубови организираат вакви тематски вечери (Serbian Heritage Day), но овојпат настанот доби и неочекувана, контроверзна димензија. Во еден момент, на големиот видео-бим во салата се појави американски генерал од НАТО, кој учествувал во бомбардирањето на Србија во 1999 година.

Според реакциите на социјалните мрежи, токму тој бил претставен како „херој на натпреварот“, што предизвика поделени мислења и лавина коментари. Дел од јавноста беше шокирана од изборот, додека други се обидоа да најдат оправдување, но останува нејасно дали станува збор за случајна грешка или намерен потег. Во секој случај, многумина оценија дека ваквиот момент бил најмалку непримерен, особено на вечер посветена на српската култура.

🇺🇸🏀 Colorado basketball team Denver Nuggets honored a US soldier who fought for Kosovo against Serbia as their “Hero of the Game” … on Serbian Heritage Day. pic.twitter.com/igHx63oAZi

— kos_data (@kos_data) February 3, 2026