Венецуела Фјури, 16-годишната ќерка на славниот боксер Тајсон Фјури, стапи во брак со својот партнер Ноа Прајс на раскошна церемонија одржана на Островот Ман.

Свадбата се одржала во Кралската капела „Свети Јован Крстител“, а Венецуела пристигнала со половина час задоцнување во придружба на своите родители Тајсон и Парис Фјури.

Младата невеста носела впечатлива бела чипкана венчаница со долг шлеп, но наместо високи потпетици, избрала бели „крокс“ папучи, нешто што претходно и самата го најавила. Изгледот го надополнила со големи очила за сонце.

На свадбата имало 18 деверуши, меѓу кои и Бамби Фјури – ќерката на Томи Фјури и Моли-Меј Хејг, како и помалите сестри на Венецуела – Валенсија и Атена.

Целиот настан бил сниман за реалното шоу „Дома со семејството Фјури“ (At Home with the Furys) на Нетфликс.

Венецуела и Ноа ја чуваа врската далеку од јавноста сè до 2025 година, а се свршија за време на прославата на нејзиниот 16. роденден. Нивната врска предизвика бројни реакции поради возраста на невестата, но семејството Фјури јавно ја поддржа одлуката за брак.

„Таа повеќе не е Фјури“, изјавил емотивниот Тајсон по свадбата.

ВИДЕО | Ќерката на Тајсон Фјури има 16 години и наскоро ќе се мажи, направи гламурозна девојачка вечер