Фармата „Серкл ес“ во Охајо неодамна го откри дизајнот на својот лавиринт од пченка за 2025 година – романтичен предлог за брак на површина од повеќе од 5 хектари, дело на фармерот Тим Саливан за неговата сакана Каролин Лигет.

„Сакав да направам нешто големо, нешто што никогаш нема да го заборави. Нејзиното лице кога сфати што пишува – тој момент никогаш нема да го заборавам“, изјави Саливан за една телевизија од Охајо.

Импресивниот лавиринт бил засаден со помош на компјутеризиран трактор и ќе биде отворен за посетители оваа есен.

Тим и неговата девојка Каролин приватно прелетаа над лавиринтот, кој од воздух откриваше тајна порака: „Каролин, сакаш ли да се омажиш за мене?“. Фармата објави дека изненадувањето било успешно – Лигет одговорила со „Да!“.

Во лавиринтот се вклучени и три дизајни во форма на тикви.

Саливан откри дека со работниците почнале да садат на 3 јуни, а кон крајот на месецот пораката станала видлива од воздух.

Тој призна дека бил „многу нервозен“ некој случајно да прелета над полето и да го открие изненадувањето на социјалните мрежи, но тоа не се случило. Со прстенот во џеб, ја убедил Каролин да полета со него, претварајќи се дека има интерес за авионско летање.

Прво таа не ја забележала пораката, но при второто прелетување ја видела и радосно прифатила.

„Бев воодушевена што некој вложил толку труд во предлог како овој. Очекував нешто убаво и смислено, но не и толку големо и екстремно“, изјави Каролин.

Двајцата работат во конкурентни аграрни компании – Тим во една, а Каролин во друга. Таа вели дека токму затоа е „совршено што предлогот се случи во пченкарно поле“.

Лавиринтот ќе биде отворен за посетители оваа есен, а фармата порача: „Се гледаме наскоро за сезона полна со забава, спомени и уште малку љубов во воздухот!“

Свадбата на Тим и Каролин е планирана за почетокот на летото 2026 година.