ФОТО: Камион се преврте меѓу кабините на патарината на автопатот Миладиновци – Штип
Утрово на автопатот Миладиновци – Штип камион кој превезувал брашно влетал во кабината за наплата на новата патарина пред Штип, објави Сител.
Според фотографиите од социјалните мрежи камионот удрил и се превртел меѓу два наплатни пунктови.
За среќа возачот не е повреден во оваа сообраќајка на наплатната рампа кај Кадрифаково, соопштија од СВР Штип.
Екипа на СВР – Штип ќе изврши увид, возачот не е повреден, а е причинета материјална штета, изјави Гордана Панајотова, портпарол на СВР-Штип.
Патарините кај Кадрифаково и Преод во Општина Свети Николе, се во изградба, а според најавите на директорот на ЈП за државни патишта, Ејуп Рустеми требаше да бидат готови до крајот на март.