Рeалити ѕвездата Кортни Кардашијан (44) и нејзиниот сопруг, тапанарот Тревис Баркер (47) организираа „забава за дарување“ (baby shower), за нивното неродено дете. Тие беа во друштво на семејството и пријателите и дадоа сè од себе забавата да биде незаборавна, пишува „Пејџ сикс“.

Темата на оваа забава беше „Дизни“, а сè беше декорирано со мотиви од познатите цртани филмови.

Преку фотографии на својот инстаграм-профил, бремената Корни покажа како го поминуваат својот „специјален ден“, славејќи го „бебето Баркер“.

На фотографиите може да се забележат палачинки во облик на Мики Маус, забавен квартет и други најразлични декорации како во Дизниленд, од шарени знамиња и балони до зелениот сок од „Алиса во земјата на чудата“.

Тревис присуствуваше на забавата, иако пред неколку дена објави дека боледува од корона вирусот. Сепак, тој се тргна настрана од останатите гости за да не ги зарази. Моменти од забавата споделија и нејзините пријатели кои покажаа како Кортни ја подготвила забавата.

Кортни на забавата носеше тесен комплет со принт на змиска кожа и ушите на Мики Маус, гордо покажувајќи го трудничкиот стомак.

Инаку, како што пишува „Пејџ сикс“, Кортни пред неколку дена изнајмила куќа во Малибу за „забавата за дарување“, но градоначалникот ја обвини дека ја изнајмила за забава на инфлуенсери.

Да потсетиме, Кортни откри дека е бремена во јуни за време на концертот на Баркер со „Блинк-182“. Тааму ја соопшти веста на својот сопруг со транспарент на кој пишуваше „Тревис, јас сум бремена“.

Кортни Кардашијан доби критики од јавноста поради видеото на кое се шминка нејзината 10-годишна ќерка

ФОТО | Со црни декорации: Кортни Кардашијан и Тревис Баркер го открија полот на бебето