Една од најстрогите казни што некогаш биле изречени во Индонезија според шеријатскиот закон е применета врз вонбрачна двојка која била осудена на 140 удари со камшик при јавна егзекуција во парк во покраината Ачех во четвртокот, пренесува Дејли мејл.

Мажот и жената, чии возрасти не се наведуваат, добиле по 140 удари по грбот со бамбусов стап: 100 за вонбрачен секс и 40 за пиење алкохол, изјави за АФП шефот на шеријатската полиција во Ачех, Мухамед Ризал.

Жената се онесвестила по удирањето со камшик и била однесена во амбулантно возило.

𝗜𝗻𝗱𝗼𝗻𝗲𝘀𝗶𝗮 𝗰𝗼𝘂𝗽𝗹𝗲 𝗰𝗮𝗻𝗲𝗱 140 𝘁𝗶𝗺𝗲𝘀 𝗳𝗼𝗿 𝘀𝗲𝘅 𝗼𝘂𝘁𝘀𝗶𝗱𝗲 𝗺𝗮𝗿𝗿𝗶𝗮𝗴𝗲

𝗥𝗲𝗮𝗱 𝗠𝗼𝗿𝗲: https://t.co/Q5SZkpqiEs pic.twitter.com/ML9eeetfFq

— Punch Newspapers (@MobilePunch) January 29, 2026

Тоа е една од најстрогите казни изречени откако исламскиот закон беше воведен во покраината во 2001 година.

Четири други лица беа јавно камшикувани вчера, вклучувајќи еден полицаец и неговата партнерка, кои исто така беа осудени за вонбрачен секс. Секој доби по 23 удари со камшик.

BANDA ACEH — Sharia police caned a couple 140 times each in Indonesia’s Aceh province on Thursday for having sex outside marriage and drinking alcohol, likely one of the severest such punishments since the deeply conservative region adopted Islamic law.

DETAILS👉… pic.twitter.com/I2Kc0hDYjJ

— The New Vision (@newvisionwire) January 29, 2026

„Како што ветивме, не правиме исклучоци, особено не за нашите членови. Ова сигурно го нарушува нашиот углед“, рече Мухамед.

Сексуалните односи во ултраконзервативната покраина, единствената во земјата со муслиманско мнозинство што го спроведува шеријатскиот закон, се забранети. Индонезија го забрани сексот надвор од бракот во својот последен Кривичен законик од 2022 година, закон што стапи на сила низ целата земја на почетокот на јануари 2026 година.

Aceh Publicly Canes Unmarried Couple 140 Times Each for Sex Outside Marriage and Alcohol

Sharia police in Indonesia’s Aceh province publicly caned an unmarried man and woman 140 times each on Thursday for having sex outside marriage and consuming alcohol, according to officials… pic.twitter.com/KduPo5RYWF

— Network Axis Group (@NetAxisGroup) January 29, 2026

Групите за човекови права го осудуваат јавното камшикување, но практиката ужива силна поддршка од народот.

Покраината Ачех почна да го спроведува шеријатскиот закон откако доби посебна автономија во 2001 година, како дел од напорите на централната влада да го потисне долгогодишниот сепаратистички бунт.

Телесното казнување со камшикување се користи за различни прекршоци во Ачех, вклучувајќи коцкање, пиење алкохол, хомосексуалност и вонбрачни афери.

Минатата година, двајца мажи беа јавно камшикувани по 76 пати откако беа осудени за сексуални односи од страна на исламски суд.