Актерот Марк Волберг објави фотографија на својот инстаграм-профил на која се гледа неговата драматична телесна трансформација низ која поминал за само три недели поради неговата нова улога во филмот „Father Stu“.

Минатиот месец американскиот актер во шоуто „Jimmy Kimmel Live!“ откри дека планира да се здебели 13 килограми за шест недели, а во понеделникот на своите 16,3 милиони следбеници им покажа како се одвива неговиот план.

 

View this post on Instagram

 

A post shared by Mark Wahlberg (@markwahlberg)

„Пред три недели и денес“, Марк напиша во описот на две фотографии на кои позира без маица.

Тој ги шокираше сите со оваа објава, а неговите обожаватели беа разочарани затоа што нема ни трага од неговото извајано тело.

Кога зборуваше неговата трансформација поради потребите на улогата, тој рече дека ќе јаде сè што ќе му дојде при раце.

„Сакам да одам во пекари, сакам да јадам палачинки, сакам да јадам сè што ќе ми дојде при рака“, рече актерот кој ги шокираше обожавателите.