Хали Бери (57) сѐ уште ги привлекува сите погледи со својот блескав изглед на црвениот тепих.

Холивудската актерка се појави на премиерата на акционата комедија „Унијата“ (The Union) заедно со актерот Марк Волберг, во понеделникот, во Египетскиот театар во Лос Анџелес.

Бери додаде секси шмек на приликата кога излезе во црн, проѕирен фустан со долги ракави и цветни детали. Стилизиран од Линдзи Флорес, фустанот на Бери имаше исечени делови околу нејзината половина и длабоко деколте. Таа не се двоумеше да ја покаже и задната страна додека позираше на црвениот тепих, откривајќи ја долната облека која не покриваше премногу.

Нејзината коса даваше летни вибрации со кратка брановидна боб фризура, а својот изглед го комплетираше со неколку прстени на и минималистички обетки.

Покрај со Волберг, Бери беше придружувана и од актерите Мајк Колтер, Адевал Акиннуоје-Агбаје, Џесика Де Гоу, Алис Ли и Џеки Ерл Хејли. На актерите на црвениот тепих им се придружи и режисерот на филмот, Џулијан Фарино.