ФОТО: Грајмс се пофали со вонземјанските лузни – Девојката на Илон Маск ја покажа новата тетоважа
Светски познатата музичарка и партнерка на Илон Маск, Грајмс, покажа голема тетоважа на грбот, која некои фанови ја опишаа како малку „вознемирувачка“.
Партнерката на Илон Маск, која претходно оваа година откри дека сака да помогне во основањето на човечката колонија на Марс, ја покажа новата тетоважа која ја опиша како „прекрасни вонземјански лузни“.
View this post on Instagram
33-годишната музичарка со вистинското име Клер Елиз Бушер фотографијата ја сподели на Инстаграм со своите 1,7 милиони следбеници, а повеќето од нив беа воодушевени, иако во некои реакции се потенцираше дека тетоважата може да биде перцепирана и како вознемирувачка.
За тетоважата е заслужен тату артистот Нуси Кверо, кого Грајмс го означи и во објавата, а го опиша како „вонземјен мозок“.
Грајмс и Илон Маск се во врска од 2018 година, а минатиот мај го добија и синот, кој го нарекоа X Æ A-Xii.