Лидија Кочовска е многу горда на својата внука Нела Павловска, ќерка на нејзината сестра Тања Кочовска и на зетот Предраг Павловски.

Премиерата на претставата „Страв и надеж“ во Македонскиот народен театар беше посебен момент и за младата актерка Нела Павловска, која е дел од актерската екипа на овој нов проект.

За Нела оваа вечер беше исполнета со силни емоции, а големата поддршка во фоајето на театарот ја доби од својата тетка, познатата пејачка Лидија Кочовска. Нивната заедничка фотографија од синоќешната вечер сведочи за блискоста и гордоста на Лидија за успехот на својата внука, која чекори по уметничките стапки на семејството.

За Нела Павловска, учеството во „Страв и надеж“, под режисерската палка на Татјана Мандиќ Ригонат, е уште еден важен чекор во градењето на нејзината актерска кариера. Во претставата игра и Тања Кочовска, заедно со Александар Микиќ, Тони Михајловски, Никола Ристановски, Сашка Димитровска, Сашко Коцев, Дарја Ризова, Наталија Теодосиева и Дамјан Цветановски.

Неодамна, ќерката на Тања Кочовска и Предраг Павловски рече дека е горда на татко ѝ, затоа што никогаш не правел разлика помеѓу неа и нејзиниот брат Александар Ендровски, иако Предраг не му е биолошки татко. Александар е син на Тања од бракот со познатиот актер Владимир Ендровски-Љац, кој, за жал, почина во 2023 година.

„На Тања сум горда затоа што кај неа ништо не е невозможно. Сè може, сè… Едноставно мислам дека таа жена навистина сè може да направи. А татко ми – најгорда на татко ми сум што никогаш во животот, никогаш нема направено разлика меѓу мене и брат ми, иако брат ми не е негов син. А заедно се од кога брат ми имал шест години. Никогаш не направил разлика. Напротив, тие се екипа“, рече актерката во емисијата „Нешто конкретно“.

ФОТО | Емотивен спомен од помладите денови: Тања Кочовска се прости од Кили